BANGKOK 30 jan - 2 feb 2009

Halló allir vinir, vandamenn og samstarfsfélagar.......

Móttaka farþega frá Bangkok.

Gengið hefur illa að halda sambandi við umheiminn hér í Bangkok þar sem nettengingin hefur ekki verið að halda okkur tengdum nógu lengi til að klára bloggið og senda það.  Það tekur langan tíma að hala niður myndirnar og stundum koma þær ekki inn þó að við eyðum nokkuð löngum tíma í þá vinnu.

Annars er allt gott af okkur að frétta. Komum til Bangkok 30. janúar eftir langt flug frá Sydney með viðkomu í Darwin til að súpa smá auka eldsneyti og síðan áfram til Bangkok.  Nú er aðeins +7 klst tímamismunur og erum við ávallt að færast nær tímanum á Íslandi.

Við eyddum fyrsta deginum hér í Bangkok að fara í MBK (Mallið) og kíkja á klæðskera - hér fæst allt sem gleður augað og ef eitthvað vantar þá er það bara búið til á staðnum.  Sumir voru í búðum en aðrir í sólbaði á glæsilega hótelinu sem við gistum á (Millennium Hilton) og enn aðrir fóru í skoðunartúr.  Um kvöldið fórum við öll saman út að borða á Thai-veitingastað þar sem allir borðuðu á sig gat......

Seinni dagurinn var nýttur nær eingöngu í bátsferð og skoðunarferðir og einstaka meðlimur fór aftur í BMK.

Hjörtur flugmaður í nýja jobbinu.

Leggjum í hann til Jaipur, Indlandi eldsnemma í fyrramálið og vonumst við til að við getum farið að henda inn fleiri myndum hér á þessu bloggi.

Ástar- og saknaðarkveðjur til maka og barna. -   Bestu kveðjur til vina.  -  Vinnukveðjur til vinnufélaga.

 

INFORMATION:         

    Thailenski fáninn    

Bangkok fáninn

Bangkok:

Á síömsku heitir borgin Phra Nakhon Krung Thep, sem þýðir „Himneska borgin" eða „Borg englanna".  Íbúafjöldinn er u.þ.b. 7 milljónir og 65% þeirra eru af kínverskum uppruna.  Hún er höfuðborg landsins og þar er konungshöllin .  Borgin stendur við ána Chao Phraya (Menam).  Hún er miðstöð stjórnar, menningar og viðskipta landsins.  Flugvöllur hennar, Don Muang, er hinn stærsti í Sa-Asíu

Kjarni borgarinnar, sem stofnuð var árið 1782, er umflotinn bugðu árinnar Chao Phraya, er u.þ.b. 13 km² að flatarmáli og þar búa u.þ.b. 120.000 manns.  Frá 1900  stækkaði borgin í allar áttir meðfram skurðum (klongs) og götum.  Hin nýja Bangkok (Bangkok metropolis) er u.þ.b. 1565 km² að flatarmáli.  Frá lokum síðari heimsstyrjaldarinnar hefur íbúafjöldi borgarinnar næstum áttfaldast.

Í gamla borgarkjarnanum er m.a. konungshöllin, mikilvæg hof, klaustur, söfn, leikhús auk ráðuneyta og fagurgrænna, ræktaðra torga.  Sunnan gamla kjarnans er kínahverfið, Sampeng, sem þekkist á fjölda verzlanaholna og vöruhúsa.

Rúmlega 10 milljónir búa í Bangkok.

Athugasemdir

[Halli Hregg (IP-tala skráð) 1.2.2009 kl. 23:41]

Gaman að heyra frá ykkur og að allt gengur vel,hlakka til að hitta ykkur í KEF.Halli kokkur.

[Guðrún Georgsdóttir (IP-tala skráð) 6.2.2009 kl. 13:24]

Halló elskurnar mínar. Þið eruð frábær og verulega skemmtilegt að fylgjast með ykkur hér. Gaman að heyra í ykkur um daginn og Helga takk fyrir póstkortið-ég og Jói erum farin að sakna þín verulega mikið. Gott að þú fannst þennan indverska prins fyrir Svönu svo hún getur loksins notað brúðarkjólinn og ekki verra að hann borgaði þennan fína heimamund. Ég er viss um að Svana fyrirgefur þér þó að hann sé að verða 67.ára ástin spyr ekki um aldur og svo er hann þá heima til að passa börnin þegar hún verður á fullu í karríernum að bjarga Íslandi frá bráðu gjaldþroti enda að útskrifast konan. Stulli hvað varð um indverska saríið þitt? Góða ferð síðustu daganna. Hlakka til að sjá ykkur. Knúsi Guðrún